Zëdhënësja e Partisë Demokratike Ina Zhupa, dje dhe sot i ka publikuar dy postera Veliajt, që sipas saj dëshmojnë se çfarë ka “gatuar” kryebashkiaku në katër vite.
“Mashtruesi i Tiranës ofron favore, prona publike, para dhe lehtësi në vetting për mos u hetuar edhe dënuar për aferat e tij në krye të Bashkisë Tiranë”, shkruan Zhupa, ndërsa ka publikuar posterin, me aktet që sipas saj ka dorë Veliaj.
Reagimi i Ina Zhupës:
Bashkia që drejton Veliaj është thesar për prokurorët e korruptuar! Posteri i dytë i fushatës!
Tirana e qeverisur në mënyrë të paligjshme edhe plot me afera korruptive, me vrasje, me abuzime, me fallsifikime, eshte Tirana qe duan prokuroret e korruptuar.
Mashtruesi i Tiranes ofron favore, prona publike, para dhe lehtesi ne vetting per mos u hetuar edhe denuar per aferat e tij ne krye te Bashkise Tirane.
Te gjithe e dime si e mbylli me Petrit Fushen ceshtjen e vrasjes se Arditit, dhe sa miliona euro edhe prona publike si trualli teatrit merr vellai i tij Shkelqim Fusha. Te gjithe e dime si dha uniformat e policise bashkiake nje kompanie me nje punonjese dhe nen sekuestro dhe askush se hetoj. Te gjithe e dime si ben tenderat abuziv, koncensionet e paracaktuara, si i dha mandat keshilltareve bashkiak dhe miratoj ne menyre te paligjshme rritjen e cmimit te ujit per banoret e Tiranes…
Ju prezantoj me posterin e dyte te vertete te Tiranes se ketyre 4 viteve ne qeverisjen e Erioni Mashtruesit, ku jane vetem nje pjese e aferave.
