Pas publikimit të përgjimeve të reja nga gazeta gjermane “Bild’ kryetari i Partisë Demokratike Lulzim Basha ka reaguar sërish.
Në postimin e tij të fundit në Facebook Basha thekson se kriminelët e zgjedhjeve po i shesin moral popullit në studiot televizive, ndërkohë që ish-deputeti Spahia u arrestua pse protestoi kundër krimeve të tyre. ”
Kriminelët e zgjedhjeve po i shesin moral popullit në studiot televizive. Bardh Spahia arrestohet pse protestoi kundër krimeve të tyre. Ne nuk do të ndalemi derisa ta shporrim këtë bandë dhe kreun e saj!,”-përfundon Lulzim Basha.
Këtë të mërkurë Gazeta gjermane “Bild” ka publikuar 10 audio-përgjime të reja të dosjes “184” të zgjedhjeve të pjesshme vendore në Dibër në vitin 2016.
Në këto audio-përgjime dalin emrat e ish-ministrit Damian Gjiknuri, ish-ministrit Saimir Tahiri, deputetit Ulsi Manja, deputetit Xhemal Qefalia, ish-shefit të komisariatit Dibër Robert Aga, Ymer Lalës, përgjegjësi i OSHEE në Dibër Bekim Krashi dhe disa personave të tjerë.
