Policia e Shkodrës ka shpërndarë lajmin se, ish-deputeti i PD, Bardh Spahia ishte shpallur në kërkim për ngjarjet e djeshme në KZAZ-në e Bashkisë Shkodër.
Ky lajm më pas u konfirmua dhe nga vetë kryeministri i vendit, Edi Rama gjatë një takimi në njësinë numër 1.
Por ish-deputeti Spahia, në një intervistë për News 24, shfaqet teksa hyn lirisht dhe i pashqetësuar në selinë blu.
Sipas tij, lajmin e ka marrë vesh nga mediat dhe se asnjë efektiv policie nuk ka mbërritur në banesën e tij.
Spahia shton se është i vendosur për të vijuar aktivitetin e tij në mbështetje të qytetarëve dhe se nuk ka ndërmend të shkojë vetë në polici për t”u sqaruar.
Për përplasjet me forcat e policisë në disa KZAZ të vendit policia e shtetit ka proceduar dhe ka ndaluar disa persona, mes tyre ish deputetë dhe zyrtarë të opozitës.
