Qytetarët në Kavajë janë grumbulluar mëngjesin e sotëm përpara shkollës 9-vjeçare “3 Dëshmorët”, duke bërë thirrje për largimin e KZAZ së ngritur në palestrën e kësaj shkolle.
Ata kanë lënë afat që deri në orën 16:00, kjo qëndër votimi të largohet nga ambientet e shkollës, në respekt të dekretit të Presidentit Ilir Meta për anulimin e zgjedhjeve të 30 qershorit.
Kryebashkiaku Isa Sakja, i ka dërguar një kërkesë zyrtare KQZ-së, Ministrit të Brendshëm dhe Prefektit të qarkut Tiranë që në 14 qershor për të ndërprerë të gjitha veprimet dhe afishimin e listave të zgjedhësve në KZAZ nr.42, kërkesë që deri tani nuk është marrë parasysh.
