Banorët e Unazës së Re kanë dalë sërish sot në protestë. Mbrëmjen e sotme banorët dhe aktiviste, të mbështetur edhe nga ish-deputetë të PD kanë bllokuar rrugën.
Ish-deputeti i PD, Ervin Salianji tha se qëndresa e banorëve do të vazhdojë, ndërsa i bëri thirrje atyre që të ruajnë gjakftohtësinë.
Ervin Salianji: Mos bini pre e bandave të krimit, ruani gjakftohtësinë. Është koha sot që ti vërtetojmë qeverisë që nuk na trembin arrestimet. Për çdo njeri që arreston 1 mijë veta do të ngrihen.
Salianji dha një paralajmërim për kryeministrin Rama.
Ervin Salianji: Nëse këtu do vazhdojë terrorizmi i qytetarëve, dhunimi i qytetarëve, i bindur të jesh ti se përgjigja do të jetë e shpejtë. Nuk mund të pranojmë që të dhunohet qytetari.
Ish deputeti tha se Rama i ka ditët e numëruara, ndërsa theksoi se misioni i opozitës së bashkuar është largimi i Ramës.
Foto nga protesta e sotme e banoreve te Unazes se re. Protesta u mbeshtet dhe nga opozita, nderkohe qe me heret banoret protestuan para Drejtorise se Policise pasi u arrestuan disa prej protestuesve
