E nominuara e Trump kandidatja për ambasadore e SHBA në Tiranë del para Senatit

0

Yuri Kim, kandidate e nominuar për të qenë ambasadore e SHBA-ve në Shqipëri, ka dalë sot para senatit amerikan, ku pritet të marrë edhe pëlqimin për të drejtuar selinë më të rëndësishme diplomatike në  Tiranë.

Në fjalën e saj para Senatit, Kim mësohet se është shprehur se duhet ta inkurajojmë Shqipërinë në reformat e ndërmarra. Po kështu mësohet se znj. Kim është shprehur se ‘duhet ta ndihmojmë Shqipërinë në ndërtimin e institucioneve demokratike dhe ne rrugen e saj drejt BE-s’.

Youri Kim shprehet se Shtetet e Bashkuara të Amerikës mbështesin ngritjen e SPAK dhe të BKH në vendin tonë.

“Në terma të menjëhershëm, do të ushtroj presion tek liderët e Shqipërisë që të kalojnë krizën politike aktuale”, tha ajo.

Gjithashtu Kim u shpreh se do ta ndihmojë Shqipërinë që të ketë paraqitje sa më të mirë në Presidencën që do të ketë në OSBE.

Kandidatja për ambasadore përmendi edhe reformën në drejtësi.

“SHBA-të do të inkurajojnë Shqipërinë që të implementojë në mënyrë të plotë reformën në drejtësi, të vazhdojë vettingun e gjyqtarëve dhe prokurorëve dhe të themelojë SPAK dhe BKH”, tha ajo. “Së treti do të promovoj investimet amerikane në Shqipëri në mënyrë që të rriten zhvillimet në të dyja vendet”, ka shtuar e nominuara për ambasadore të SHBA në vendin tonë.

PËRGJIGJU

Please enter your comment!
Please enter your name here

This site uses Akismet to reduce spam. Learn how your comment data is processed.