Presidenti, Ilir Meta ka dalë sot në një deklaratë për mediat ku ka folur me tone të ashpra kundër disa ambasadorëve duke i quajtur “palaço”. Po ashtu Meta ka hedhur akzua dhe për maxhorancën duke e akuzuar se po bën presione strukturave të Reformës në Drejtësi.
Për sa i përket shkarkimit të Besnik Muçit, Presidenti u shpreh se nuk është i suprizuar nga vetting-u i partisë siç e quan ti. Kreu i Shtetit i ftoi të gjithë në një betejë, siç është referndumi, pasi sipas tij zgjidhja është vetëm kjo.
Shkarkimi i Muçit?
Jam me deklaratën e Blushit tim. Zero surprizë nga vetingu i partisë. Nuk jam i habitur që ditën e parë kur ka hyrë në zyrë ka pasur presione të drejtëpërdrejta të bëhet pjesë e pucit.
Presione nga maxhoranca?
Po nga maxhoranca se nga kush tjetër. Po të doni emra mund të kujtoni dhe deklaratën e Xhafajt, unë që është i maxhorancës i bëri presion Vitore Tushës që kishte kaluar Vettingun dhe mban hapur Gjykatën Kushtetuese. .
Mendimi i SHBA?
SHBA është si yll është si shpirt, dhe i ka bërë të qarta. Unë ua kam bërë të qartë se ne do të punojmë me kushtetutën e Shqiëprisë atë që kemi votuar. Ka vetëm një për Edi Ramën dhe disa palaço ndërkombëtarë. Ka vetëm një zgjidhje, referendumi. Edi Rama të dalë me diplomatët unë do ta dal me shqiptarët. Nesër është dhe dita e kushtetutës që kemi bërë 20 vite më parë. Larg duart nga Gjykata Kushtetuese. Larg duart nga Gjykata Kushtetuese. Këta hipokritët që duan të dërgojnë këtë çështje në Venecia janë hiprokit pasi nuk çuan zgjedhjen e Arta Markut që u kundërshtua nga të gjithë.
Diten e sotme, KPA e shkarkoi Mucin për problemet me pasurinë si dhe problemet me pastërtinë e figurës, pasi ai u konfirmua më herët në shkallën e parë të vettingut, në KPK e më pas u dekretua nga presidenti Ilir Meta, gjyqtar kushtetues, pa marrë ende vendimin nga Vettingu. Gjykata Kushtetuese tashmë ngelet me 4 anëtarë, ndërkohë që për funksionimin e saj duhen 6.
