Koreja e Veriut dhe ajo e Jugut kanë shkëmbyer armë zjarri në Zonën e Demilitarizuar që ndan të dy shtetet.
Të shtëna me armë nga Koreja e Veriut janë regjistruar në 07:41 me orën lokale, duke goditur një postërojesh kufitare të Koresë së Jugut në qytetin kufitar qendror të Cheorwon, tha ushtria e Seulit.
Nuk ka raportime për viktima nga ana e Koresë së Jugut.
Si përgjigje, Koreja e Jugut gjuajti “dy raunde me armë zjarri dhe një njoftim paralajmërues sipas manualit tonë”, thuhet në deklaratën ushtarake.
Nuk është e qartë se çfarë provokoi të shtënat me armë. Shefat e përbashkët të shtabit (JCS) thanë që ata po përpiqeshin të kontaktonin Korenë e Veriut përmes linjës së tyre të nxehtë ushtarake për të përcaktuar shkakun e incidentit.
Kjo është hera e parë në pesë vjet që trupat e Koresë së Veriut kanë qëlluar drejtpërdrejt në Jug.
