Pamjet që shihni vijnë nga Spitali Infektiv ku kanë mbërritur edhe rastet e parë me COVID-19 për ditën e sotme.
Gazetari Erjon Skëndaj raporton për ‘BalkanWeb’ se tre persona janë paraqitur sot në COVID1 për të marrë trajtim mjekësor, ndërkohë që nuk dihet se nga cilat zona janë. Siç shihet edhe nga pamjet, dy autoambulanca kanë ndaluar para hyrjes së Infektivit, ndërkohë që nga një prej mjeteve del një burrë, i cili futet vet brenda në spital.
Kujtojmë se aktualisht në vendin tonë janë regjistruar 803 raste me koronavirusi, ndërsa numri i personave që kanë ndërruar jetë ka shkuar në 31.
