Ish-deputeti i Partisë Demokratike, Klevis Balliu, e konsideron kryetarin e Bashkisë së Tiranës, Erion Veliaj, si një hajdut dhe injorant klasik, që edhe sot shkëlqeu në padijen dhe injorancën e tij për kulturën.
“Duke përmendur Shekspirin në emër të të cilit kërkonte shembjen e Teatrit, i atribuon atij edhe një përrallë të bukur dhe të famshme “Mbreti Lakuriq”. Por kjo përrallë nuk është dhe s’ka qenë kurrë një vepër e Shekspirit por e shkrimtarit të njohur Hans Kristian Anderson”, shkruan Balliu.
Ish-deputeti demokrat iu referua një videomesazhi të Veliajt, ku ai bëri thirrje për të prishur teatrin, dhe se opozitës i kishte rënë alibia.
“Merakun e kanë jo te teatri, por te godinat. Dhe unë e kuptoj ku e kishin merakun se do ta bënte privati, por tani që do ta bëjë shteti, tani që do ta bëjë publiku? Ju ra alibia. Dhe siç do të thoshin në shumë shfaqje të Shekspirit: “Mbreti është lakuriq!”, tha Veliaj.
Postimi i Balliut
HAJDUT DHE INJORANT KLASIK
Për shkak se shkollën e ka marrë si tender korruptiv në emër të fabrikës të krimit MJAFT SHPK, Veliaj edhe sot shkëlqen në padijen dhe injorancën e tij për kulturën. Duke përmendur Shekspirin në emër të të cilit kërkonte shembjen e Teatrit, i atribuon atij edhe një përrallë të bukur dhe të famshme “Mbreti Lakuriq”.
Por kjo përrallë nuk është dhe ska qenë kurrë një vepër e Shekspirit por e shkrimtarit të njohur Hans Kristian Anderson.
Pra Veliaj njësoj si Spiropali që bëri Sevantesin nga Vunoi.
Kjo tregon se si është bastarduar shteti shqiptar duke u mbushur me injorantë dhe hajdutë në qeveri dhe në bashki.
Në fakt për të vjedhur nuk duhet kulturë dhe arsim por mjafton të mos kesh zemër e moral.
