Ambasadori i Britanisë së Madhe në Tiranë, Duncan Norman, tha se reforma zgjedhore duhet të përmbyllet gjatë ditës së nesërme.
Pas takimit me Këshillin Politika prej nëntë orësh, diplomati tha se është bërë progres.
“Këshilli Politik u krijua në mënyrë që të përfundojë reformën zgjedhore dhe sot është bërë një përparim i mirë por mbetet ende punë për t’u bërë. Është thelbësore që këtë ta përfundojmë nesër, jo vetëm që Shqipëria të vazhdojë rrugëtimin e saj drejt BE-së, por që edhe votuesit shqiptarë të kenë zgjedhje më të mira herën e ardhshme. Kështu që le ta bëjmë punën”, tha ai.
