Vdekja e Lady Diana tronditi jo vetëm familjen Mbretërore, por mbarë botën. Kur po mbushen 23 vite nga vdekja tragjike e saj, ende mbeten mister rrethanat e aksidentit të rëndë. Mediat e huaja kanë rikthyer në vëmendje disa foto pak çaste para se princesha të ndërronte jetë. Ajo shihet e shtrirë në makina, pasi tavani i mjetit ku ajo udhëtonte ishte hequr nga goditja. Këto pamje u zhdukën shumë kohë më parë.
Atë natë, Princesha e ndjerë ishte në sedijen e pasme të një Mercedes-i S280 me të dashurin e saj, Dodi Al-Fayed, shoferin Henri Paul dhe Trevor Rees-Jones, anëtar i ekipit të sigurisë së Al-Fayed, ulur në vendet e para.
Rees-Jones, i cili sot njihet me emrin Trevor Rees, pësoi lëndime të shumta, por ishte personi i vetëm që i mbijetoi aksidentit fatal. Princeshë Diana, Al-Fayed dhe Paul vdiqën, pavarësisht përpjekjeve të mjekëve për t’i shpëtuar.
Lady Diana u nda nga jeta në një aksident tragjik me makinë në Paris në 31 gusht 1997 në moshën 36 vjeçare.
