Rastet e infeksioneve me COVID-19 në Indi e kaluan shifrën 5 milionë këtë të mërkurë. Bazuar në të dhënat e Ministrisë së Shëndetësisë indiane pandemia e shtriu kontrollin e saj edhe më gjerë, duke bërë që zyrtarët e Organizatës Botërore të Shëndetësisë të theksojnë se jemi ende në fillim të pandemisë.
“The Guardian” shkruan se vendit iu desh 167 ditë për të arritur një milion raste, por milioni tjetër erdhi në vetëm 21 ditë, më shpejt se në Shtetet e Bashkuara të Amerikës dhe Brazil.
India tani po teston rreth një milion njerëz në ditë, por shumë ekspertë thonë se kjo nuk është e mjaftueshme dhe se numri i vërtetë i infeksioneve mund të jetë shumë më i lartë.
India ka sistem të dobët të kujdesit shëndetësor dhe kombi me 1.3 miliardë banorë është shtëpia e disa prej qyteteve dhe qytezave më të populluara në botë.
