Mjeku humbi jetën/ MSH: Nuk e fitoi dot betejën me Covid, vuante nga disa sëmundje
Ministria e Shëndetësisë nëpërmjet një njoftimi për shtyp ka shprehur ngushëllimin e saj për ndarjen nga jeta të mjekut Sefer Dervishi, i cili nuk e fitoi dot betejën me Covid.
‘Ministria e Shëndetësisë dhe Mbrojtjes Sociale njofton me hidhërim të thellë ndarjen nga jeta të mjekut të qendrës shëndetësore Helmas në Kavajë, dr. Sefer Derivishi, i cili nuk e fitoi dot betejën me COVID 19
Pas dy javësh në terapi intensive në spitalin “Shefqet Ndroqi” mjeku 61-vjeçar që vuante nga disa sëmundje, ka humbur jetën mbrëmjen e sotme, megjithë përpjekjet e parreshtura të stafit mjekësor.
Ngushëllime familjes, kolegëve dhe miqve të dr. Seferit, i cili i shërbeu deri në fund me devotshmëri komunitetit të tij!’
