Ambasadorja e Francës në vendin tonë kërkon që Gjykata Kushtetuese dhe ajo e Lartë duhet të bëhen funksionale sa më parë.
Nga Korça, së bashku me një grup deputetësh të parlamentit francez, ku zhvilluan një takim në bashkinë e Korçës, Cristina Vasak u shpreh se personalitetet politike të të gjitha ngjyrave janë të ndërgjegjshëm për këtë.
“Gjykata kushtetuese duhet të behët sa më shpejt. Un e kam thënë këtë shumë herë. Të gjithë personalitetet e politikes pavarësisht ngjyrave janë të ndërgjegjshëm për ketë. Është e domosdoshme qe gjykata kushtetuese te ndërtohet dhe te filloje te punoje sepse ka një sere problemesh te rëndësishme qe janë përpara saj. Edhe gjykata e larte është shumë e rëndësishme të filloje të punojë, por kjo është në një fazë me të avancuar se gjykata kushtetuese. Unë nuk pranoj të zëvendësoj autoritetet shqiptare sepse vetë ata e njohin kushtetutën dhe e dinë se çfarë duhet të bëjnë”, tha ambasadorja.
Në lidhje me mbledhjen e Këshillit Politik, Vasak tha se palët duhet të vazhdojnë punë dhe këtë ata e dinë, nuk është e nevojshme që t’ia thonë diplomatët.
“Përsa i përket këshillit politik nuk mund te them gjë sepse kjo nuk me përket. Është mirë qe ky këshill të vazhdoje punën e tij me një inteligjence të mire. Sepse ata e dine si duhet te funksionojnë dhe s’kane pse tua thonë diplomatiket”, u shpreh diplomatja.
