Një 29 vjeçar shqiptar u arrestua nga policia në kuadër të një operacioni të koduar “Minos”. Valter Hoxha, akuzohet për vjedhje të rëndë.
Megjithëse ishte vënë nën arrest shtëpiak, ai kishte ndërhyrë në rrjetin elektrik për të vjedhur energjinë përmes një magneti.
I arrestuari, gjithashtu u raportua në Prefekturën e Catania për përdorim personal të substancave narkotike, sepse iu gjet në pronësi rreth 1 gram marijuanë. Për momentin, 29-vjeçari mbetet në arrest shtëpiak.
Edhe tetë persona të tjerë u arrestuan gjatë operacionit të zhvilluar më 2 korrik të këtij viti, midis të cilëve edhe shqiptari tjetër, Abdulla Hoxha.
Ata akuzoheshin për tregti droge si kokainë, hashash dhe marihuanë.
