Qendra Spitalore Universitare ‘Nënë Tereza’ ka reaguar në lidhje me vetëhedhjen e pacientit nga spitali Infektiv.
QSUT bën të ditur se po i jepet e gjithë ndihma pacientit Reshat Grembi, nga Fieri i cili ndodhet në gjendje të rëndë.
Deklarata e QSUT-së:
Pacienti me inicialet R.G., 69 vjeç aktualisht është nën kujdesin e mjekëve të këtij spitali.
Në këto ditë të vështira të përballjes me Covid-19, kur mjekët tanë po bëjnë një sakrificë të jashtëzakonshme, sigurojmë Qytetarët se jemi në krye të detyrës dhe askush nuk do të mbetet pa marrë shërbim mjekësor!
Në këto momente nevojitet bashkëpunim dhe drejtësi në përcjelljen e informacioneve, për të ndihmuar mbi të gjitha stafet mjekësore që janë 24 orë në shërbim, siç kanë bërë dhe do të bëjnë deri në fund të kësaj beteje!
