Ish-kreu i Kontrollit të Lartë të Shtetit, Bujar Leskaj, është konfirmuar si drejtuesi politik i PD-së në qarkun e Vlorës.
Burimet konfirmuan se kryetari i Partisë Demokratike, Lulzim Basha, ka telefonuar dje tre kryetarët e PD-së në këtë qark dhe i ka komunikuar emrin e drejtuesit politik të qarkut. Leskaj është emri i parë që konfirmohet si drejtues politik, ndërsa gjatë kësaj jave pritet që të dalin edhe emra të tjerë.
Bujar Leskaj se fundmi ka mbajtur detyrën e ish-kreut të KLSH dhe jo vetëm, por deri më sot ai ka mbajtur mjaft detyra të rëndësishme të cilat i ka kryer me dinjitet.
Zoti Leskaj është shquar si menaxher i mirë si në kohën që punonte në doganën Vlorë e më pas nëndrejtor i Përgjithshëm i Doganave, por edhe si Ministër i Turizmit, Kulturës, Rinisë dhe Sportit rezultoi i suksesshem.
Bujar Leskaj ka punuar dhe si pedagog në Fakultetin e Ekonomisë në Universitetin e Tiranës, ka mundësuar disa botime ndër vite duke i konfirmuar nje karriere mbresëlënëse.
Zoti Leskaj ka qenë aktiv në politikë deri ditën që u zgjodh si kryetar i KLSH-së, ka kontribuar për ngritjen fuqishëm të PD si dhe është zgjedhur dhe deputet si përfaqësues i vlonjatëve në Parlamentin e Shqipërisë.
Siç duket, baza, palca e partisë anëtarësia nuk e harron, e deshi sërish deputet ndaj dhe e ka propozuar për ta rikthyer fuqishëm në politikën aktive, duke pasur besim tek z.Leskaj dhe aftësisë e tij për të sjell fitoren e PD me 25 prill.
Edhe drejtuesit e PD e duan Vloren me rezultat te mire ndaj emer me te mire se Bujar Leskajn veshtire te gjenin ndaj dhe i dhane vlerësimin dhe mbështetjen për të qene serish ne ringun politik.
Veprimtaria profesionale e Bujar Leskaj:
-1993-1994: doganier në Degën e Doganës, Vlorë,
-1994-1997: Kryetar i Degës së Doganës, Vlorë,
-1997 (prill-gusht): Nëndrejtor i Përgjithshëm i Drejtorisë së Përgjithshme të Doganave,
-2000-2005 pedagog në UT, Fakulteti i Ekonomisë, Departamenti Financë, Lektor i lëndës “Paraja dhe Banka”,
-2005 – 2009 pedagog i jashtëm në UT, Fakulteti i Ekonomisë,
-tetor 2009 – 2011 pedagog në UT, Fakulteti i Ekonomisë, Departamenti Financë, Lektor i lëndëve “Paraja dhe Banka”, “Financë”.
-dhjetor 2011 – ne vazhdim, Kryetar i Kontrollit të Lartë të Shtetit.
Veprimtaria politike:
-1997 (janar): anëtar aktiv i PD-së;
-2001-2005: anëtar i Bordit financiar të PD-së;
-2001 e në vazhdim: anëtar i Këshillit Kombëtar të PD-së zgjedhur nga Kuvendi i 7-të, i 8-të (2005) dhe i 9-të (2009), Kombëtar të Partisë;
-2005 – 2009: Deputet i Kuvendit te Shqipërisë Legjislatura: XVII, Zona zgjedhore: 94, Qarku: Vlorë,
-shtator 2005 – mars 2007: Ministër i Turizmit, Kulturës, Rinisë dhe Sportit
-2007 – 2009- Anëtar i delegacionit të përhershëm të Parlamentit në Asamblenë Parlamentare të NATO-s.
Librat e botuara:
-“Përfaqësuesit e Vlorës në Kuvendin e Shqipërisë, 1912-2009”, Tiranë 2009
-“Brenda dhe Jashtë PARLAMENTIT (maj 2007
-maj 2009)”, Tiranë 2009 “Senjorazhi”
– Punim Doktorature, Tiranë 2009
-“Paraja dhe Banka” (Cikël Leksionesh), Tiranë 2011
-“Leksione në Financë” (Pjesa e I), Tiranë 2011
-“Muzat e Qëndresës” (Nëpër libra të kryqëzuar), Tiranë 2011
