Një shqiptar ka “prodhuar” një skenë filmash orët e vona të së dielës në Kakavijë, por ka përfunduar në prangat e policisë greke.
Shqiptari në fjalë priste të hynte në Greqi, por nuk e realizonte dot ligjërisht pasi kishte masë të ndalimit të hyrjes në zonën Shengen dhe mendoi ta bënte ndryshe
Me automjetin e tij ai theu traun në Kakavijë duke i ikur Policisë doganore, teksa u arrestua më pas pas rrugës për në Janinë.
Mediat greke shkruajnë se shqiptari aktin e kreu pa frikë dhe ndrojtje teksa vendosi në alarm Policinë e Janinës që e neutralizoi në aksin ndërnacional Janinë-Kakavijë.
Tashmë ai ndodhet në qytetin grek dhe do të dalë në gjyq për tre akuza të ngritura nga shkelje të masave për parandalimin e sëmundjeve, dëmtim të pronës publike dhe hyrje të paligjshme në vend dhe ai u dërgua në Prokurorin Publik të Janinës.
Kujtojmë se prej 20 nëntorit Kakavija u mbyll pjesërisht prej pandemisë duke lejuar lëvzijen në orarin 07:00- 23:00, kurse më 23 nëntor në një njoftim të dytë nga pala greke puna u pezullua plotësisht për shkak të një greve nga fqinjët.
