Moti i keq me shira të rrëmbyer vijon të godasë Italinë, ndërsa stuhia vijon prej orësh tashmë duke përmbytur zona të tëra.
Një person ka humbur jetën në Potentino pasi u mor nga rrjedha e ujit. Disa zona në Veneto, Friuli-Venezia Giulia dhe në Provincën Autonome të Bolzanos është dhënë alarmi i kuq, për shkak të prurjes së madhe të ujit.
Ndërkohë, në Emilia-Romagna, Lazio, Provinca Autonome e Trentos, Umbria, Abruzzo, Campania, Molise, Puglia, Kalabria dhe në të gjithë territorin e Siçilisë, është dhënë alarm portokalli.
Veç përmbytjeve, autoritetet në Itali kanë paralajmëruar edhe rreth rrezikut nga ortekë shumë të fortë në Dolomitet e Sesto-s.