Gjatë bisedës në “Opinion” me gazetarin Blendi Fevziu, ish-Kryeministri Sali Berisha ka treguar se si është përfshirë Lulzim Basha në Partinë Demokratike. Sipas tij të vetmit që kanë kandiduar për kryetar të PD-së kanë qenë atëherë Lulzim Basha dhe Sokol Olldashi.
Blendi Fevziu: A e përzgjodhet ju Lulzim Bashën në krye të Partisë Demokratike?
Sali Berisha: Absolutisht jo
Blendi Fevziu: Nuk ndërhytë fare në proces?
Sali Berisha: Jo. Erdhi dhe më tha. Pas tij erdhi i ndjeri Sokol Olldashi.
Blendi Fevziu: Nga nënkryetarët tuaj?
Sali Berisha: Asnjëri. Vetëm këta të dy erdhën dhe u mirëpritën. Unë mendova që udhëheqja tjetër e partisë të mos lobonte as për njërin as për tjetrin, për të mos krijuar çarje.
