Janë zbardhur detaje të reja nga ngjarje e ndodhur në mbrëmje, ku janë dëgjuar të shtëna me armë zjarri.
Sikundër mësohet, të shtënat me armë zjarri kanë qenë ndaj një lokali në pronësi të një efektivi policie.
Polici ndaj të cilit u qëllua në drejtim të lokalit të tij është Alfred Pjetri, i cili shërben në patrullën ‘Shqiponja’
Shkodër/ Informacion paraprak
Më datë 22.12.2020, rreth orës 21:10, në vendin e quajtur rruga e Pompave të Ujit, fshati Dobraç, Shkodër, në rrethana ende të paqarta qëlluar me armë zjarri në drejtim të lokalit në pronësi të shtetasit A. P.
Nga verifikimet paraprake të bëra nga shërbimet e Policisë, nuk ka persona të dëmtuar. Në vendin e ngjarjes ndodhen shërbimet e Policisë dhe grupi hetimor për sqarimin e rrethanave të ngjarjes
Janë ngritur pika kontrolli në aksin rrugor dhe vijon krehja e zonës nga shërbimet e Policisë të DVP dhe të FNSH Shkodër.
