Nga Mirlinda Collaku
Kryetare e PD Njësia nr.2 Tiranë
Nuk ka asgjë që karakterizion më shumë qeverisjen e këtyre prag 8 viteve tashmë, se fasada dhe mashtrimi!
Asgjë nuk është ashtu sic duket, gjithshka fshihet, manipulohet, tjetërsohet.
Kjo është një qeverisje e cila në gjenezë të saj ka trajtimin e qytetarit si një krijesë e dorës së dytë, të cilës lehtësisht mund ti hedhësh hi syve dhe ta gënjesh, pasi në thelb ti nuk ke nevojë për të si votues.
Kjo është qeveria që votën e shqiptarëve të zakonshëm nuk e konsideron, pasi ka besuar tek vjedhja, tek krimi tek të fortët e lagjeve si modele qeverisëse në cdo aspekt.
Dhe nga këtu nis cdo e keqe!
Në 8 vite kjo qeveri është kujdesur vetëm për shkelqimin e fasadës por jo për realitetin e hidhur dhe atë të vërtetin fatkeqësisht të shqiptarëve.
Fasada nuk është vetëm gënjeshtra me ngjyra e drita që i serviret shqiptarëve, por edhe mundësia e hajdutëve në qeveri për të vjedhur edhe qindarkën e fundit, nga shqiptarët e rraskapitur nga varfëria, pamundësia dhe keqqeverisja.
Dhe nuk shpëton nga ky model qeverisës edhe njësia 2 Tiranë, njësia më e madhe nga pikëpamja territoriale në Tiranë, njësia me numrin e dytë më të madh për banorë, njësia në zemër të Tiranës, ku përqëndrohen edhe një fuqi e konsiderueshme biznesesh e njësissh tregtare, të cilëve u merret fryma duke paguar taksat më të larta në rajon, njësia 2 është gjithashtu edhe pasqyra se si nuk duhet të jetë kurrë një qeverisje!
Mjafton të dalësh shumë pak metra nga rrugët kryesore të njësisë dhe e vërteta është ulëritëse, me rrugë të shkatërruara, armotizuara, të keqtrajtuara e të pamirëmbajtura, pavarësisht taksave të kripura që paguajme të gjithë.
Me rrugë të cilat mbulohen nga balta e lluca me shiun e parë vjeshtak, e ruajna Zot kur dimri të trokasë seriozisht.
Rrugë pa kanalizime, rrugë të cilat shpeshherë lihen në mëshirë të fatit edhe politikisht, pasi zona konsiderohet “jo fitimprurëse” për votat e rilindjes.
Ndërkohë bizneset falimentojnë në të gjithë Shqipërinë, por masivisht edhe në njësinë 2 Tiranë dhe njerëzit humbasin mundësinë për të patur qoftë të ardhurat minimale, pasi nuk kanë marrë asnjë ndihmë në situatën e tmerrshme të pandemisë, por u kanë shkuar dhe u kanë shtrënguar akoma më shumë litarin në fyt xhahilët që qeverisin, ti sheh në të gjitha mediat, kryeministrin i cili flet për rritje ekonomike “imagjinare” të Shqipërisë.
Fotot më poshtë të rrugëve dhe bizneseve në njësinë 2 flasin më shumë se gjithshka!
Fatmirësisht ato ulërasin më shumë se dritat dhe dekori i qytetit që tenton të tregojë një gënjeshtër për të vërtetë.
25 prilli do të duhet të jetë dita e të vërtetave të qytetarëve të thjeshtë, të cilët atë ditë do të flasin sic ata dijnë kur u vjen shpirti në majë të hundës!
