Në një gjendje të rënduar psikologjike pas tragjedisë që i ndodhi në familjen, Bashkim Metani thotë se Përparim Ademi kishte vendosur që t’i vriste të dyja motrat për të mos pasur dëshmitarë për të folur.
Ai pranoi se ato ishin ndjerë të kërcënuara dhe se njërën prej motrave e kishte çuar në Malin e Dajtit, ku kishte qëlluar me armë për tra trembur.
“Ai e mori vesh se ato po flisnin me mua dhe i vrau. Mori motrën e vogël përpara, me mendimin që do të vinte motra e madhe. Do ta marrë në telefon, që t’i vriste të dyja në Krrabë”, tha ai për gazetarin e “Panorama” Aldo Kozarja.
Ai shprehet se motrat i kishin thënë se donin të ndaheshin nga Përparim Ademi.
“Tani, mendimi im. Motrat më thanë mos i trego asnjërit se ne do të ndahemi nga ai person. Nuk do të kemi më lidhje me të. Ai mori motrën e vogël e çoi në malin e Dajtit. E mori edhe e shoqja. I mashtroi që t’i vriste të dyja që të mos kishte më gojë për të folur”- shton ai.
