Policia ka dhënë detaje të reja për aksidentin tragjik ku humbën jetën 4 persona nga e njëjta familje.
Vetëm njëri nga pesë anëtarët e familjes kosovare ka arritur t’i mbijetojë aksidentit. Fëmija i mitur është drejtuar për mjekim të specializuar në spitalin e Traumës në Tiranë.
“Në aksin rrugor Milot-Morinë, në afërsi të një karburanti në Rreshen, mjeti tip “Citroen” me të cilin udhëtonte një familje kosovare është përplasur me mjetin tip kamion me drejtues shtetasin I.I.,banues në Kosovë.
Për pasojë kanë humbur jetën drejtuesi i mjetit tip “Citroen” , bashkëshortja e tij dhe 2 fëmijët dhe është plagosur fëmija i mitur, i cili është transportuar në spitalin e Traumës Tiranë.”, njofton policia.
Grupi hetimor në vendngjarje punon për sqarimin e plotë të shkakut dhe rrethanave të ngjarjes.
