Një ngjarje e rëndë është regjistruar në Shkodër pasditen e sotme, ku një 58-vjeçar i ka dhënë fund jetës, duke u vetëvarur.
Me një njoftim për mediat, Policia bën me dije se ngjarja u regjistrua në fshatin Shtoj i ri, ku 58-vjeçari me inicialet P.S., u gjet i vetëvarur në shtëpi nga familjarët e tij.
Nuk dihen ende motivet që mund të kenë çuar 58-vjeçarin drejt këtij akti të rëndë, ndërsa policia ka nisur hetimet.
Njoftimi:
Shkodër/Informacion Paraprak
Me date 04.02.2021, rreth orës 16:20, në fshatin Shtoj i Ri, Shkodër, shtetasi P. S. , 58 Vjeç, është gjetur i vetëvarur në banesë nga familjaret e tij, nga verifikimet paraprake nuk janë konstatuar shenja dhune.
Veprimet po kryhen me grup hetimor, për sqarimin e rrethanave të kësaj ngjarje
