Një atentat i dështuar ndodhi paraditen e sotme, në mes të qytetit të Shkodrës.
Panorama mëson se Policia ka shpallur në kërkim tre autorët e dyshuar për atentatin ndaj 30 vjeçarit, Taulant Pepaj, të cilët janë Sehar Xhenje dhe vëllai i tij, si dhe shtetasi Esmeraldo Hato.
Mësohet se ky atentat i dështuar sot është pasojë e një konflikti që autorët e dyshuar kanë patur në burg me shtetasin Taulant Pepa.
Policia ka parë kamerat e sigurisë të bizneseve pranë vendit ku ndodhi atentati dhe ka mundur të identifikojë tre personat. Autorët e dyshuar kanë braktisur makinën e tyre tip ‘Audi’ në një rrugicë në fshatin Grudë, të njësisë Rrethina.
Sipas policisë në drejtim të Taulant Pepajt është qëlluar me dy lloje pistoletash, por fatmirësisht ai mundi të shpëtojë pa marrë asnjë plagë.
Ndërkohë Policia po vijon kërkimet për kapjen e tre autorëve.
