Kryedemokrati Lulzim Basha ka kujtuar me një mesazh 30-vjetorin e rivendosjes së marrëdhënieve mes Shqipërisë dhe SHBA-ve. Ai shkruan se është një mundësi për t’u ndier krenar për arritjet e mëdha që Shqipëria ka bërë falë mbështetjes së SHBA.
Kreu i PD thekson se do punojmë së bashku që dekada e re të jetë dekada e konsolidimit të demokracisë.
“30-vjetori i rivendosjes së marrëdhënieve mes Shqipërisë dhe Shteteve të Bashkuara të Amerikës është një mundësi e shkëlqyer për çdo shqiptar, për t’u ndierë krenar për arritjet e mëdha që Shqipëria ka bërë falë mbështetjes së SHBA dhe veçanërisht anëtarësimin e saj në NATO dhe pavarësinë e Kosovës. Ne nuk duhet të harrojmë kurrë dhe duhet të jemi gjithmonë mirënjohës. Ne do të punojmë së bashku me partnerin tonë strategjik, SHBA, që dekada e re të jetë dekada e konsolidimit të demokracisë, sundimit të ligjit dhe e mirëqenies së gjithë shqiptarëve.🇦🇱🇺🇸”, deklaron Basha.
