Sheshi “Skënderbej” duhet të ishte arena kryesore ku bëhet vaksinimi kundër Koronavirusit. Por pas atij pak entuziazmi në dy ditët e para, sot mund të shihet se sheshi është bosh. Të moshuarit duket se po refuzojnë masivisht vaksinën kineze, sikundër tregojnë pamjet e SYRI TV.
Kjo vaksinë nuk është provuar shkencërisht dhe nuk ka marrë miratimin nga autoritetet në SHBA dhe BE. Jo vetëm kaq, por vetë mediat kineze thonë se vaksina nuk po bëhet ndaj të moshuarve në Kinë. Kjo për shkak të mungesës së të dhënave shkencore dhe testimit te moshat mbi 65 vjeç. Përkundër këtij fakti, qeveria shqiptare ka nisur vaksinimin pikërisht me moshat më vulnerabël.
