Gazetarja Klodiana Lala ka reaguar për përplasjen me armë zjarri në Elbasan, për të cilën është shpallur në kërkim Klement Xhaferri, një personazh i njohur në këtë qytet pasi pak vite më parë u përfshi në një tjetër përplasje me policinë para tregut Agro-Ushqimor të Elbasanit. Gazetarja Klodiana Lala, thotë se Xhaferrit, të njohur edhe si Kel Çami, i janë gjetur në mjet karta identiteti, pasaporta dhe ID të qytetarëve.
Lala shton se prokuroria duhet të pranojë publikisht se po e heton këtë ngjarje edhe për blerje votash, e jo vetëm për vrasje në tentativë.
“Ne automjetin qe Klement Xhaferri perdorte diten e ngjarjes se rende te Elbasanit u gjeten karta identiteti, pasaporta dhe ID te qytetareve te ndryshem. Policia e fshehu kete fakt te rende. Sot Kel Cami eshte ne kerkim per vrasje ne tentative, por prokuroria duhet te dale publikisht e te pranoje qe po e heton edhe per blerje votash. Per kujtese Kel Cami ka qene i perfshire edhe ne ngjarjen e ish-Tregut Agroushqimor ne Elbasan ku u sulmua policia.
Polici e korruptuar dhe qe fsheh provat.