Një shqiptar në të pesëdhjetat e tij, i cili kërkohej në Itali pas disa dënimeve për trafik droge, u arrestua në Bruksel në fillim të marsit dhe iu dorëzua Italisë disa ditë më parë.
Ilir Meto, një shqiptar i kërkuar në Itali për trafik droge, u arrestua në Bruksel dhe iu dorëzua Romës disa ditë më parë
Lajmi u konfirmua nga zyra e prokurorit të Brukselit, sipas informacionit nga Het Laatste Nieuws. I arratisuri, Ilir Meto, 56 vjeç, me nofkën “Il Dottore” (“Mjeku”), u dënua me një total prej 29 vjet burg. Ai ishte në kërkim që nga viti 2004.
“Njeriu u arrestua nga policia belge në Saint-Josse-ten-Noode më 2 Mars,” tha prokurori Katrien Meulemans të Enjten.
“Arrestimi i tij ishte pjesë e dy urdhër-arresteve evropiane të lëshuara pas dënimeve për trafik droge. Një dënim me 14 vjet burg u shpall kundër tij në 2004 dhe një dënim i ri 15 vjet burg u shqiptua në 2012”, tha gjykatësi. “Ai iu dorëzua Italisë të Martën, 27 Prill”.
Mediat belge shkruajnë se nuk është e qartë nëse Meto ishte këtu gjatë gjithë kohëzgjatjes para fluturimit të tij drejti Italisë, apo në të vërtetë se si arriti të jetonte këtu. Supozohet se ai jetonte me një emër të rremë, por hetuesit nuk nguten të shpjegojnë më shumë.
Meto duket se nuk ka asnjë lidhje me krimin e organizuar në Belgjikë. Arrestimi i tij u bë në lidhje me dy urdhra ndërkombëtarë, nga dënimet e vitit 2004 dhe 2012. Emri i tij ka qenë gjithashtu i lidhur me trafikun e armëve dhe banda italo-shqiptare që ai drejtoi kishte lidhje me një grup tjetër krimi të organizuar italo-marokenë.
