Kryetarja e LSI, Monika Kryemadhi i ka dorëzuar “dosjen e zezë” të 25 prillit delegacionit të vëzhguesve të OSBE-ODIHR.
Sot delegacioni me në krye shefen, Ursula Gacek vizitoi Kryemadhin në selinë e LSI për të diskutuar për zgjedhjet e 25 prillit.
LSI ka pretendimet e saj për zgjedhjet e 25 prillit, dhe duket se ka dorëzuar edhe ajo dosjen e saj për problematikat e evidentuara dhe faktuara gjatë procesit të votimit dhe numërimit.
Më herët Gacek ka takuar dhe kryetarët e PS-së dhe PD-së Edi Rama dhe Lulzim Basha, ndërsa pritet që të ketë një raport final sa i takon zgjedhjeve të 25 Prillit.
Derimë tani ODIHR ka përmendur si shqetësues fenomentin e përdorimit të asministratës shtetërore në funksion të partisë në qeveri, ndërkohë që opozita e ka cilësuar 25 Prillin si një masakër elektorale.
