Komiteti Teknik i Ekspertëve, i cili vlerëson ecurinë e Covid-19 në vend, zbuloi para disa ditësh masat e reja lehtësuese që hyjnë në fuqi ditën e sotme.
Duke nisur nga data 1 qershor, hiqet detyrimi për mbajtjen e barrierës mbrojtëse në ambientet e jashtme.
Por, mbajtja e saj do të jetë ende e detyrueshme në ambientet e mbyllura si dhe në mjetet e transportit publik
Gjithashtu, ora policore shtyhet me një orë. Pra, nga sot, ora policore do të nisë në orën 23:00 deri në orën 06:00. Ndërsa duke nisur nga 1 korriku, një muaj më vonë, ora policore do të nisë në orën 00:00 e do të përfundojë në orën 06:00.
Masat që lehtësohen:
Nga 1 Qershori:
• Hiqet detyrimi për mbajtjen e barrierës mbrojtëse në ambientet e jashtme. Do vijoje te mbetet detyrimi i mbajtjes se maskës ne ambientet e mbyllura si dhe ne mjetet e transportit publik. Rekomandohet mbajtja e maskës kudo ku nuk mund te ruhet distancimi sociale si edhe për ata qe ende nuk kane bere dy dozat e vaksinës qe konsiderohen persona ne risk.
• ora policore shtyhet ne orën 23:00 -06:00.
Klubet e natës, diskot, vijojnë të mbeten të mbyllura. Muzika do lejohet deri ne orën 22:00.
Nga 15 Qershor:
• Grumbullimet n ambientet e jashtme nga 10 persona bëhen 50 persona, duke respektuar rregullat e distancës sociale ne zbatim te protokolleve te IShP.
Nga 1 Korriku:
• Ora policore shtyhet në orën 24.00 -06:00.
Orari për muzikën nuk ndryshon, pra do mbetet ora 22:00.
• Lejohen kampionatet sportive me prezence të tifozëve me kapacitete te reduktuara deri ne 30% sipas protokollit te IShP.
•Lejohen aktivitetet e teatrove, shfaqjeve artistike dhe kulturore, konferencave, me kapacitet te reduktuar deri ne 30% te spektatoreve apo pjesëmarrësve, sipas protokolleve te IShP.
Lehtësimi i këtyre masave u bë pas uljes së shifrave të koronavirusit në vend. Kujtojmë se ditën e djeshme, pas 244 ditësh, nuk u shënua asnjë viktimë nga Covid-19, ndërsa është ulur ndjeshëm edhe numri i infektimeve.
