Gazetarja Klodiana Lala thotë se vrasja e Kudret Saliajt në ngjarjen e rëndë që tronditi Tiranën pranë gjykatës së rrethit ka ndodhur brenda pak sekondave dhe ka qenë e mirëmenduar mes autorit dhe vajzës së tij.
“Në 48 sekonda – thotë prokuroria- Dhurata ngrihet nga vendi ku ishte ulur, i afron çantën babait. Babai merr cantën, në 4 sekonda tenton ta mbushë armën. E qëllon viktimën me 3-4 plumba dhe më një plumb në anën e djathtë qëllon avokatin dhe çohet largohet. Në moment, vajza ka hedhur kapuçin në kokë, ka marr një taksi dhe ka telefonuar babain: “Babi ndërrrohu, unë po kthehem”. Për të fshehur krimin Mexhit Picari thotë që është gjetur rastësisht në lokal dhe ishte i vetëm, ndërkohë që kamerat e kanë filmuar që ishin bashkë. Ai thotë ndërsa isha në lokal, erdhi Kudreti, ndërkohë që Kudreti ishte në lokal. Prokuroria thotë që babë e bijë kanë bashkëpunuar intensivisht. Dhurata Saliaj e ka mbajtur pistoletën në çantë dhe ja ka afruar në momentin e ngjarjes”, u shpreh Lala në emisionin Opinion.
Çifti ishte në proces divorci dhe palët ndodheshin pranë gjykatës për seancën e radhës. Lala tha ndër të tjera, se ndryshe nga pretendimet e Mexhit Picarit dhe vajzës së tij, të dhënat e prokurorisë tregojnë se nuk ka qenë viktima ai që ishte i dhunshëm në familje, por bashkëshortja e tij.
