Vazhdon në Gjykatën Kushtetuese, shqyrtimi i zgjedhjeve moniste të 30 qershorit 2019. Të ftuar për t’u dëgjuar në Gjykatën Kushtetuese është edhe Avokati i Popullit që ka reklamuar se procesi ka cënuar të drejtat e qytetarëve
Avokati i Popullit: Shqetësimi i Avokatit të Popullit është se procesi ka cënuar të drejtat e qytetarëve. Nëse do të kthehemi në atë kohë, rezulton se parlamenti nuk po kryente rolin e tij, por as mekanizmat e tjerë, siç ishin gjykata. Prandaj duhet një gjykim në lidhje me veprimtarinë e institucioneve. Ka vend që në këtë gjykim të trajtohet cilësia e zgjedhje. Unë nuk gjej bazë ligjore që një dekret të lihet pa fuqi nga një organ tjetër administrativ, aq me tepër që një organ si KQZ të thotë se nuk e quan të pavlefshëm, pasi ku do shkonim? Duhet një proces për të shpallur një dekret, apo vendim të pavlefshëm, nuk mund ta bëj vetëm një organ. Është e vërtetë që bojkoti zgjedhjeve është problematik e madhe, por është detyrë e shumicës për të garantuar konsensusin.
