Një 40-vjeçar është arrestuar nga Policia e Tiranës, pasi ka ushtruar dhunë fizike ndaj bashkëjetueses së tij, e cila u dërgua në spital, për të marrë ndihmë mjekësore.
“Specialistët për Hetimin e Krimit në Komisariatin e Policisë Nr.3 bënë arrestimin në kushtet e flagrancës të shtetasit S. M., 40 vjeç, banues në Tiranë.
Arrestimi i këtij shtetasi u bë pasi në rrugën e Kavajës, për motive të dobëta, ka ushtruar dhunë fizike ndaj bashkëjetueses së tij, e cila u dërgua në spital, për të marrë ndihmë mjekësore”, njofton policia.
Materialet u referuan në Prokurorinë pranë Gjykatës së Shkallës së Parë Tiranë, për veprime të mëtejshme.
