Pretendonte se ishte imun ndaj helmit/ “Njeriu i gjarprit” vdes pasi kobra e kafshon në gjuhë

0

Një 62-vjeçar në Filipine, i njohur si “njeriu i gjarprit”, i cili pretendonte se ishte imun ndaj helmit, ka vdekur pasi kobra e kafshoi në gjuhë.

Bernardo Alvarez, kapi kobrën vdekjeprurëse të Filipineve Veriore pak çaste para vdekjes së tij në qytetin Mangaldan, provinca Pangasinan më 9 korrik.

Sipas raporteve, ai u brohorit nga fqinjët ndërsa kapi zvarranikun.  Por, ndërsa tregoi gjarprin para njerëzve që ishin grumbulluar për ta parë, Bernardo e mbajti kobrën shumë afër fytyrës së tij, dhe tentoi ta puthte në gojë.

Kobra, e njohur si një nga gjarpërinjtë më helmues në botë, iu hodh në gojë dhe i kafshoi gjuhën. 62-vjeçari i tronditur bërtiti nga dhimbja dhe më pas u rrëzua në tokë dhe gjeti vdekjen.

“Helmi i gjarprit mund të shkaktojë paralizë, e cila është ajo që i ndodhi ‘njeriut të gjarprit’. Kjo paralizë mund të ndalojë frymëmarrjen e viktimës, të ndikojë në rrjedhën e oksigjenit në trup dhe përfundimisht të ndalojë rrahjet e zemrës”, tha zyrtarja Provinciale e Shëndetësisë Dr Anna de Guzman. Mjekët u përpoqën ta shpëtonin 62-vjeçarin, por ishte tepër vonë.

PËRGJIGJU

Please enter your comment!
Please enter your name here

This site uses Akismet to reduce spam. Learn how your comment data is processed.