Mediat italiane kanë zbardhur dëshminë e bashkëshortes së ish-bankierit italian Giovanni Caramuscio që u ekzekutua dje në mbrëmje nga dy vëllezër shqiptarë, ndërsa po tërhiqte para në një bankomat.
Anna Quarta tregon momentet kur dy persona kanë qëlluar me një pistoletë Beretta bashkëshortin e saj, i cili është rrëzuar menjëherë përtokë.
“E pashë Giovanni-n të shembej përtokë. Vrapova drejt tij, u përpoqa ta ndihmoj të ngrihej. Por ai tashmë kishte vdekur. Nuk po e besoja, dhe ende nuk e besoj”, ka deklaruar bashkëshortja e viktimës.
Ajo po ashtu ka treguar se i kishte thënë bashkëshortit që ti tërhiqte paratë ditën tjetër. “Giovanni më tha: Ndalojmë një moment, duhet të tërheq disa para”, ndërsa Anna iu përgjigj: “E bëjmë nesër”. Megjithatë Giovanni këmbënguli dhe Anna po e priste pranë makinës, pa e ditur se çfarë do të ndodhte më pas.
Pamjet e kamerave të sigurisë kanë treguar edhe skenën e vrasjes, ku dy vëllezërit shqiptarë ishin të maskuar me maska anti-Covid.
Ata e kërcënuan me armë ish-bankierin, ndërsa ai reagoi instinktivisht duke e shtyrë njërin prej tyre. Por reagimi i tjetrit ishte fatal, duke e qëlluar me pistoletë Beretta me 5 plumba, dy prej të cilëve përfunduan në gjoksin e viktimës.
Dyshohet se pistoleta Beretta kalibër 9 është shkrepur nga Paulin Mecaj. E njëjta armë është gjetur nga hetuesit në shtëpinë e autorit të dyshuar.
69-vjeçari i ndjerë ishte një ish-bankier tanimë në pension që kishte punuar në Napoli. Ai u qëllua me armë të premten në mbrëmje ndërsa po kthehej me gruan në shtëpi, pas një darke festive me miq e të afërm.
… [Trackback]
[…] Here you will find 5496 more Information to that Topic: startnews.news/2021/07/18/ia-vrane-burrin-para-syve-zbardhet-deshmia-e-bashkeshortes-se-ish-bankierit-italian-e-pashe-te-shembej-pertoke/ […]
… [Trackback]
[…] Read More on that Topic: startnews.news/2021/07/18/ia-vrane-burrin-para-syve-zbardhet-deshmia-e-bashkeshortes-se-ish-bankierit-italian-e-pashe-te-shembej-pertoke/ […]
… [Trackback]
[…] Information on that Topic: startnews.news/2021/07/18/ia-vrane-burrin-para-syve-zbardhet-deshmia-e-bashkeshortes-se-ish-bankierit-italian-e-pashe-te-shembej-pertoke/ […]
Comments are closed.