Një 21-vjeçar shqiptar terrorizoi qytezën e Galipolit në Itali pasi qëlloi me breshëri automatiku në një zonë të populluar me të rinj të qytetit.
Mediat italiane shkruajnë se djali i identifikuar si Ibrahim Rudi, me origjinë shqiptare por me banim në këtë qytezë ka qëlluar drejt dy motrave, një 26 dhe 28 vjeç.
E gjitha dyshohet se ka ndodhur për shkak të xhelozisë ndaj njërës prej motrave.
Fatmirësisht askush nuk është lënduar, ndërkohë që shenjat e plumbave janë në muret e kolonat e rezidencës.
 |
Rudi së bashku me dy të tjerë kanë hipur në makinë dhe më pas janë larguar duke tentuar të djegin dhe armën.
Ibrahim Rudi, 20 vjeç është arrestuar dhe akuzohet për tentativë vrasjeje të rëndë të shumëfishtë dhe mbajtjes ilegale të armëve të luftës.
Një bashkëmoshatar nga Sogliano Cavour dhe një 32-vjeçar nga Novoli janë gjithashtu në hetim për dhënie ndihme ndaj të riut.
