Presidenti tunizian, Kais Saied ka emëruar një gjeologe me pak përvojë qeveritare si kryeministrja e parë grua e Tunizisë në mes të një krize pas marrjes së pushtetit të tij
Mediat e huaja shkrujnë se ai i kërkoi Najla Bouden Romdhane, një profesore pak e njohur e gjeofizikës që zbatoi projektet e Bankës Botërore në Ministrinë e Arsimit, të formonte një qeveri sa më shpejt të jetë e mundur të Mërkurën. Ky veprim nxiti një rritje të çmimeve të bonove tuniziane.
I zgjedhur në vitin 2019, Saied ka qenë nën presionin e brendshëm dhe ndërkombëtar për të emëruar një qeveri pasi shkarkoi kryeministrin, pezulloi parlamentin dhe mori autoritetin ekzekutiv në korrik në lëvizjet që armiqtë e tij i quajnë ‘grusht shteti.’
Javën e kaluar, ai pezulloi pjesën më të madhe të kushtetutës, duke thënë se mund të sundonte me dekret gjatë një periudhe “të jashtëzakonshme” pa një përfundim të caktuar, duke vënë në pikëpyetje fitimet demokratike pas revolucionit të Tunizisë në vitin 2011 që shkaktoi protestat e Pranverës Arabe.
