Gazetari Arian Çani tha se mes kryeministrit dhe LSI-së nuk ka komunikime në prapaskena. Ai tha se Meta po pret ta shkarkojnë dhe i është future një udhëtimi të gjatë në shkretëtirë.
Pjesë nga intervista në MCN Tv:
Mendoni se mund të ketë nisur një komunikim në prapaskenë mes kryeministrit Rama dhe LSI-së? Nisur edhe nga fakti se u bë një kohë e gjatë që nuk dëgjojmë më akuza të ndërsjella Kryeministri-Presidencë.
Çani: Nuk besoj. Ramës nu ki hyjnë më në punë votat e LSI. LSI ka vetëm 4 deputetë, nuk ka qenë ndonjëherë më keq se kaq. Rama ka të vetët, për çfarë i duhet LSI. Meta po pret ta shkarkojnë dhe i është future një udhëtimi të gjatë në shkretëtirë. Janë të gjithë në hall. Rama duhet të shesë ëndrra, Berishës i duhet të marrë PD. Duket sikur të gjithë zihen, por në fakt aferat vazhdojnë.