Xavi Hernandez u prezantua sot si trajneri i ri i Barcelonës, në stadiumin “Camp Nou” që kishte hapur dyert për tifozët
Mijëra fansa u grumbulluan dhe e festuan si një titull rikthimin e ish-mesfushorit, i cili me katalanasit fitoi gjithçka të mundshme
“Jemi klubi më i mirë në botë. Do të punojmë për të arritur suksese. Barcelona nuk mund t’ia lejojë vetes që të barazojë apo humbasë, duhet të fitojmë çdo ndeshje”, tha Xavi
Sot ishte një ditë historike për tifozët e Barcelonës. Xavi Hernández merr frenat e ekipit të parë të klubit. Një nga lojtarët më të mirë në historinë e Barçës merr detyrën nga Sergi Barjuan dhe Ronald Koeman si trajneri i tretë i sezonit.
Pritshmëritë te Xavi janë të mëdha, edhe pse vjen në një moment shumë të vështirë, më i vështiri në sport dhe ekonomik kohët e fundit. Futbolli që shpall XH është në përputhje me ADN-në e klubit, filozofinë e Cruyff dhe Guardiola, kështu që tifozët e Barcelonës ëndërrojnë një ringjallje të re të ekipit të tyre.
