Trefishohen rastet me COVID në vendin tonë. Nga 4384 testime të kryera në 24 orët e fundit kanë rezultuar pozitivë 475 qytetarë, kurse dje nga ministria e Shëndetësisë u raportuan 168 të infektuar. Betejën me COVID e kanë humbur 6 qytetarë.
“Me gjithë përpjekjet e mjekëve, në 24 orët e fundit ka 6 humbje jete me SARS-COV2 pozitiv: një qytetar nga Përmeti 55 vjeç, dy qyetarë nga Berati të moshave 62-86 vjeç, tre qytetarë nga Tirana të moshave 62-99 vjeç”, raporton ministria.
475 qytetarë kanë rezultuar pozitivë me COVID19, në këto bashki: 239 në Tiranë, 34 në Durrës, 31 Fier, 20 në Shkodër, 14 në Lushnje, 12 në Sarandë, 11 në Divjakë, nga 10 qytetarë në Elbasan, Berat, nga 9 qytetarë në Vorë, Mallakastër, 8 në Kuçovë, 7 në Kamëz, nga 5 qytetarë në Dimal, Gjirokastër, Vorë, Krujë, Lezhë, nga 4 qytetarë në Përmet, Skrapar, nga 3 qytetarë në Patos, Tepelenë, Kolonjë, nga 2 qytetarë në Gramsh, Cerrik, Poliçan, Konispol, Kavajë, nga 1 qytetar në Kukës, Tropojë, Mirditë, Shijak, Dibër, Selenicë, Himarë, Delvinë, Korçë.
Aktualisht në spitalet COVID po marrin trajtim 98 pacientë, nga të cilët 17 janë në gjendje më të rënduar. Janë shëruar 366 qytetarë gjatë 24 orëve të fundit, duke e çuar numrin e të shëruarve në 199,883 që nga fillimi i epidemisë. 5262 pacientë janë aktivë me COVID19 në të gjithë vendin.
Ministria e Shëndetësisë i bën apel qytetarëve të vaksinohen sa më parë, për të mbrojtur veten dhe shëndetin e të tjerëve.
“Çdo qytetar mbi 16 vjeç, mund të vaksinohet në qendrën shëndetësore ose në pikën më të afërt të vaksinimit të përqëndruar. Vaksinat antiCOVID reduktojnë mundësinë e infektimit dhe shmangin në shkallë të lartë hospitalizimet dhe fatalitetet. Vaksinimi është i hapur edhe për fëmijët +12 vjeç me probleme të sistemit imunitar, me rekomandim nga mjeku. Gjithashtu ka nisur vaksinimi me dozën e tretë për të gjithë qytetarët +18 vjeç që kanë kaluar 6 muaj nga kryerja e dozës së dytë. Nëse dyshoni se jeni i prekur nga COVID19 apo keni shenja të sëmundjes, izolohuni menjëherë dhe kontaktoni me mjekun tuaj të familjes për t’u testuar ose telefononi Urgjencën Kombëtare në numrin unik 127”.
Statistika (28 Dhjetor 2021)
Raste të reja ditore 475
Të shëruar në 24 orë 366
Të shtruar në spitale 98
Humbje jete në 24 orë 6
Testime ditore 4384
Testime totale 1,467,515
Raste pozitive 208,352
Raste të shëruara 199,883
Raste Aktive 5,262
Humbje jete 3,207
Shpërndarja gjeografike e rasteve aktive sipas qarqeve:
Tiranë 2438
Fier 617
Durrës 434
Shkodër 355
Elbasan 323
Vlorë 282
Berat 256
Gjirokastër 163
Lezhë 141
Korçë 90
Kukës 84
Dibër 79
