Policia greke është ngritur në këmbë për gjetjen e biznesmenit të njohur George Kyparissis, i cili u zhduk në rrethana ende të panjohura.
Biznesmeni, i cili është aktiv në fushën e makinave rezervë dhe ka dhe disa biznese në Menidi dhe Efkarpia të Selanikut, ishte në një tavernë mbrëmë në Liossia kur rreth orës 01:00 të mëngjesit, teksa kthehej në shtëpi në Drafi, u zhduk papritur.
Ishte një mik i tij që denoncoi zhdukjen e biznesmenit. Policia është vënë në kërkim të biznesmenit dhe po shqyrton të gjitha mundësitë. Si pistë kryesore hetimi dyshohet rrëmbimi.
Sipas informacioneve, në zonën e Spatës janë gjetur makina të djegura që mund të jenë përdorur për rrëmbimin e tij.
Megjithatë, deri më tani askush nuk ka kontaktuar me familjen e biznesmenit.
Sipas informacioneve, më 7 gusht 2020, vëllai i biznesmenit ra viktimë e grabitësve, të cilët hynë në punishten që ai mban në Menidi dhe e qëlluan në këmbë.
