Ergys Dashi, nga qyteti i Durrësit, është me sa duket viktima më e fundit e pazareve të drogës.
Ai u ekzekutua mbrëmjen e djeshme në një restorant të famshëm në shtetin latin të Ekuadorit
Siç raportojnë mediat vendase, Dashi ndodhej prej disa kohësh në qytetin e Guajakil dhe ishte i përfshirë në trafik droge.
Sipas dëshmive, autori u fut brenda restorantit “Grilling” ku ishte ulur 34-vjeçari shqiptar dhe i zbrazi atij karikatorin.
Në vendin e ngjarjes, autoritetet latine gjetën 20 gëzhoja. Në fillim ishte e vështirë të identifikohej viktima për shkak se disa prej plumbave e kapën në kafkë.
Pas dërgimit në Laboratorin e Kriminalistikës, u zbulua se ishte Ergys Dashi nga Shqipëria.
Po ashtu në vendngjarje u plagos edhe një 26-vjeçare e identifikuar si Angie Romero. Ajo ishte ulur në një tavolinë pranë tavolinës së shqiptarit.
