Komisioni i Rithemelimit të PD vendosi që të shtyjë mbajtjen e Kuvendit Kombëtar në datën 30 prill. Me anë të një njoftimi është bërë e ditur se vendimi vjen pas zhvillimeve të fundit politike dhe të zgjedhjeve të 6 marsit, ku Koalicioni Shtëpia e Lirisë fitoi bashkinë e Shkodrës.
Ne njoftim thuhet se në mbledhjen e datës 10 mars, ky komisioni mori disa vendime, mes tyre edhe shtyrja e datës se mbajtjes se Kuvendit Kombëtar.
Ky Komision vendosi të zhvillojë me prioritet analizën e rezultateve zgjedhore në 6 bashkitë dhe te nisë procesin statutor te riorganizimit të strukturave të degëve në këto bashki, proces që sipas Komisionit ishte frenuar për shkak te këtyre zgjedhjeve.
Njoftimi i plote
Komisioni i Rithemelimit të PD në mbledhjen e datës 10 mars, pasi analizoi zhvillimet politike si dhe zgjedhjet e pjesshme lokale të zhvilluara në 6 bashkitë e vendit, falenderon kandidatët e Shtepisë së Lirisë dhe të gjithë zgjedhësit e 6 bashkive për garën e dinjitoze dhe performancën e mirë në këto zgjedhje lokale.
Në këtë mbledhje, Komisioni i Rithemelimit gjithashtu vendosi:
Të zhvillojë me prioritet analizën e rezultateve zgjedhore në 6 bashkitë ku u zhvilluan zgjedhjet lokale,
Te nisë procesin statutor te riorganizimit të strukturave të degëve në këto bashki, proces i frenuar për shkak te këtyre zgjedhjeve,
Të vazhdojë dhe të permbyllë procesin statutor në degët tjera konform udhëzimeve.
Për arsyet e sipërpërmendura, në mënyrë që gjithë ky proces te përfundojë me sukses, Komisioni i Rithemelimit të PD vendosi që të shtyjë mbajtjen e Kuvendit Kombëtar në datën 30 prill.
