Një tjetër qytet që ka rënë gjatë natës pre e sulmeve të ushtrisë ruse ka qenë edhe Lutsk. Kryebashkiaku konfirmoi se shpërthime me bomba janë regjistruar pranë aeroportit të qytetit.
“Të gjithë në strehimore!”, ka shkruar në një postim në Facebook, ndërsa iu ka bërë thirrje banorëve vendas që të mos publikojnë asnjë foto, adresë apo koordinatë. Ndërkohë, televizioni ICTV i Ukrainës pohoi se një fabrikë pranë aeroportit ishte në flakë.
Kujtojmë se në qytetin e Dnipros u regjistruan 3 shpërthime, një në një kopsht, tjetri në një bllok banimi dhe tjetri në një fabrikë këpucësh.
