Ministri australian i Mbrojtjes Peter Dutton tha se avionët luftarakë Super Hornet që do të pajisen me raketa të përbashkëta ajroro-tokësore të prodhimit të SHBA-së duhet të përshpejtohen, në mënyrë që Australia të mos cënohet.
“Blerjet e këtyre raketave na japin aftësinë për të penguar një akt agresioni”, tha Dutton Sunrise.
“Ne po shpenzojmë më shumë para për mbrojtjen se kurrë më parë dhe duhet ta bëjmë sepse Indo-Paqësori ka ndryshuar dhe ne duhet të jemi realistë për faktin se Kina po armatoset me më shumë armë bërthamore”, pohoi ai.
Ai tha se një pjesë e arsyes për përshpejtimin e mbrojtëse së Australisë ishte për shkak të pushtimit rus të Ukrainës dhe kërcënimit që regjimet autoritare paraqesin për demokracitë liberale anembanë globit.
“Bota është tronditur me atë që kemi parë në Evropë dhe në Ukrainë dhe ne shpresojmë dhe lutemi që të mos përhapet në vendet e tjera”, tha Dutton.
“Por ne jemi gjithashtu shumë të shqetësuar për atë që po ndodh në Indo-Paqësorin dhe kjo ka të bëjë me përgatitjen e Australisë dhe për t’u siguruar që ne mund të ndalojmë çdo akt cënimi ndaj vendit tonë”, deklaron ministri.
Raketat do të jenë në gjendje të godasin objektiva deri në 900 km larg dhe do të prodhohen nga kompanitë amerikane të mbrojtjes Raytheon dhe Lockheed Martin. Armët do të mbërrijnë tre vjet para afatit për Forcën Ajrore dhe deri në pesë vjet për Marinën, raporton “Daily Mail”.
