Një ngjarje e rëndë është regjistruar ditën e sotme, ku dy fëmijë të mitur janë gjetur të mbytur.
Policia njofton se ngjarja ka ndodhur në liqenin e Prushit, ku dy të miturit, përkatësisht të moshave 11 dhe 13 vjeç janë gjetur pa jetë. Polumbarët e Reneas kanë shkuar drejt vendngjarjes dhe kanë nxjerrë trupat nga liqeni, ndërsa ende nuk dihen rrethanat e kësaj ngjarjeje të rëndë.
Njoftimi i policisë
Tiranë/Informacion paraprak
Sot, rreth orës 18:05, në liqenin e Prushit, janë mbytur dy të mitur të moshës 11 dhe 13 vjeç.
Me marrjen e njoftimit, shërbimet e Policisë kanë shkuar menjëherë në vendngjarje dhe kanë nisur kërkimet.
Njëkohësisht drejt vendngjarjes janë nisur edhe polumbarët e Reneas, për të bërë të mundur gjetjen e trupave të dy të miturve.
Grupi hetimor po punon për zbardhjen e plotë të rrethanave të ngjarjes.
