EMRAT/Pezullohen nga detyra dy prokurorë të SPAK-ut, garuan për dy vendet vakante të shpallura nga KLP!

Dy prokurorë të SPAK, Ervin Gogaj dhe Alfred Shehu janë pezulluar nga detyra. Shkak për pezullimin e tyre është bërë ankimi i prokurores Sonila Muhametaj, e cila u skualifikua nga Këshilli i Lartë i Prokurorisë (KLP)

Të dy prokurorët të cilët tashmë janë të pezulluar dhe Muhametaj, garuan për dy vendet vakante të shpallura nga KLP-ja për në SPAK. Muhametaj nuk u përzgjodh dhe e ankimoi vendimin në Gjykatën Administrative.

Gjykata i ka vlerësuar si jo të rregullta procedurat për zgjedhjen e dy prokurorëve, Gogajt dhe Shehut dhe se duhet rishikuar procedura në të cilën është zhvilluar gara.

Aktualisht, SPAK-u ka 17 prokurorë dhe me pezullimin e tyre, ky institucion tashmë ka 15 të tillë. Në organikën e saj, SPAK-u duhet të ketë 20 prokurorë.